Говь-Алтай аймаг, Дэлгэр суманд 13 настай хүү орой 20 цагийн орчимд айл руу морьтой яваад сураггүй алга болсныг Онцгойгийн алба хаагчид хайж байна.
Тодруулбал, Гуулин багийн “Цахир саравч” гэдэг газарт 10.07-ны өдрийн 20 цагийн орчим иргэн Д /13 настай, эрэгтэй/ гэрээсээ гурван км зайтай айл руу морьтой яваад сураггүй болсон тухай дуудлагыг өчигдөр /10.08/ 18:10 цагт хүлээн авчээ.
Тус аймгийн Онцгой байдлын газрын Эрэн хайх, аврах салбарын алба хаагчид, орон нутгийн иргэд, ар гэрийнхний хамт 12:00 цагаас эхлэн эрэн хайх ажиллагааг зохион байгуулсан боловч үр дүнд хүрээгүй мөн өдрийн 21:00 цагт түр зогсоогоод байна.
Эх сурвалж: ОБЕГ
