“Гурвалжингийн гүүрэн гарц”-ын хэв гажилтын заадсыг засварлахаар болжээ. Эхний ээлжинд өнөөдөр буюу 2021 оны есдүгээр сарын 17-ны 23:00 цагаас есдүгээр сарын 20-ны 07:00 цагийн хооронд Ажилчдын гудамжны дөрвөн замын уулзвараас Саппорагийн уулзвар хүртэл буюу урдаас хойш чиглэсэн “Гурвалжингийн гүүрэн гарц”-ын зорчих хэсгийн нэгдүгээр эгнээний хөдөлгөөнийг хязгаарлах юм байна.
Энэ засварын дараа 2021 оны есдүгээр сарын 20-ны 08:00 цагаас есдүгээр сарын 22-ны 22:00 цаг хүртэл хойноос урагшаа чиглэсэн хөдөлгөөнийг хязгаарлахаар төлөвлөжээ.
Ажил гүйцэтгэх хугацаанд тээврийн хэрэгсэл эзэмшигч та бүхэн хөдөлгөөний аюулгүй байдлаа ханган авто замын тэмдэг тэмдэглэгээний дагуу хөдөлгөөнд оролцоно уу гэж Нийслэлийн Авто замын хөгжлийн газар мэдээлжээ.
