Халтиргаанаас хамгаалах өнгөт хучилт хийж байна

Нийслэлийн 2021-2022 оны өвөлжилтийн бэлтгэл хангах ажлын хүрээнд өвлийн улиралд мөстөж халтиргаа гулгаа ихээр үүсэхээс сэргийлж халтиргаанаас хамгаалах өнгөт хучилтыг нийтийн эзэмшлийн гудамж, замын уулзварын өгсөх хэсэгт болон автобусны буудлууд, нар тусдаггүй газарт хийж байна.

Халтиргаанаас хамгаалах өнгөт хучилтыг 2017-2020 онд нийт 10926,5 мкв талбайд буюу 12 уулзвар, 24 автобусны буудалд хийсэн бөгөөд энэ онд нийт 6570 мкв талбайд буюу 4 уулзвар 16 автобусны буудалд хийхээр ажиллаж байна гэж Улаанбаатар хотын захирагчийн ажлын албанаас мэдээллээ.