Financial Times (FT): Английн Лондон хотод төвтэй дэлхийн бизнес, эдийн засгийн томоохон сонин ОХУ 20 жил үргэлжилсэн маш урт замыг туулж, үр тарианы хамгийн том экспортлогч боллоо хэмээн бичжээ.
Тус сонин ОХУ-ыг Еврази, Африк, Латин Америк даяар хөдөө аж ахуйн бүтээгдэхүүний экспортоор тэргүүлж, газрын тосны хараат байдлаа аажмаар бууруулж, шинэ зах зээлийг бий болгож, олон улсын шинэ дипломат амжилтад хүрч байгааг тэмдэглэжээ.
Өрнөдийн орнууд Оросын эдийн засгийг боомилохыг оролдож, хориг арга хэмжээ авсан ч энэ нь зөвхөн үйлдвэрлэгчдэд нөлөөлсөн гэж FT мэдээлэв. Тус улсад эдийн засгийн хязгаарлалт тавьсны дараа ОХУ газар тариалангийн талбайн хэмжээгээр дэлхийн хамгийн том улс болж, улаан буудайн экспортлогч болж, 2017 онд анх удаа АНУ, Канадыг экспортын хэмжээгээр давсан байна.
Орос улс газар, ус, боомт, төмөр замтай тул хөдөө аж ахуйн бүтээгдэхүүний өсөн нэмэгдэж буй хэрэгцээг хангаж чадна. 2020 онд тус улс түүхэндээ хоёр дахь том үр тарианы ургац хураан авсан. Үр тарианы нийт ургац 133.465 сая тонн, улаан буудай 85.896 сая тонн байсан бол 2021 онд үр тарианы ургац 127.4 сая тонн, улаан буудай 81 сая тонныг хүлээн авах төлөвтэй байна хэмээжээ.