“COVID-19” халдварын улмаас шалгалтад оролцоогүй шалгуулагчдаас авах Элсэлтийн ерөнхий шалгалт өнөөдөр эхэллээ.
Өөрөөр хэлбэл, 2021 оны наймдугаар сарын 19-22-ны өдрүүдэд зохион байгуулсан Элсэлтийн ерөнхий шалгалтад коронавируст халдварын улмаас оролцож чадаагүй шалгуулагчид өнөөдөр шалгалтад хамрагдаж байна.
Уг шалгалт өнөөдөр 10:00 цагт Англи хэлний шалгалтаар эхэлсэн бөгөөд 11 аймаг болон нийслэлд зохион байгуулж байна. Шалгалт есдүгээр сарын 4-нийг хүртэл хуваарийн дагуу зохион байгуулагдах ба анхны оноог шалгалт өгсөн даруйдаа мэдэх боломжтой бол хэмжээст оноог 24 цагийн дотор мэдээлэх юм байна.
Шалгалтад улсын хэмжээнд нийт 220 шалгуулагч хамрагдаж байгааг Боловсролын үнэлгээний төвөөс мэдээлэв.
