ХӨСҮТ-ийн Нэгдсэн лабораторийн албаны даргыг АТГ баривчилжээ
ХӨСҮТ-ийн Нэгдсэн лабораторийн албаны дарга С.Энхзаяаг АТГ-ынхан баривчилж, 48 цаг цагдан хорьжээ. С.Энхзаяаг коронавирусын халдвар идэвхижсэн үеэр PCR болон түргэвчилсэн шинжилгээний төхөөрөмж, хэрэгсэл шууд худалдан авах гэрээ байгуулахдаа зарим аж ахуйн нэгжид давуу байдал бий болгож, удирдлагатай нь хуйвалдсан. Мөн зах зээлийн үнээс өндөр төлбөртэйгөөр авч, тухайн компаниудын удирдлагаас их хэмжээний хахууль хүртсэн үйлдэлд буруутгаж байгаа мэдээ байна.
С.Энхзаяагийн болон хамаарал бүхий хүмүүсийн гэрт нэгжлэг хийж 150 сая төгрөг хураасан бөгөөд үргэлжлүүлэн шалгах эмч, албан тушаалтнууд ч байгаа сурагтай.