Шадар сайд С.Амарсайхан Барилга, хот байгуулалтын яаманд ажиллав. Энэ үеэр холбогдох албаныхан улсын хэмжээнд ашиглалтад буй барилгуудад хийсэн үнэлгээний талаар танилцуулжээ. Манай улс 2002 оноос Газар хөдлөлтийн бүс нутагт барилга төлөвлөх барилгын норм ба дүрмийг мөрдөж эхэлсэн.
Нийслэлийн хэмжээнд 8857 олон нийтийн барилга ашиглагдаж байгаагаас 1615 нь 2002 оноос өмнө буюу норм батлагдахаас өмнө баригдсан байна. Эдгээр барилгаас 751 барилгад үнэлгээ хийж, паспортжуулжээ. Барилгуудын
- 96 нь газар хөдлөлтөд тэсвэртэй
- 125 нь хүчитгэх шаардлагатай бол
- 430 нь газар хөдлөлтөд тэсвэргүй гэж үнэлэгдсэн бөгөөд нийслэлийн Мэргэжлийн хяналтын газрын Улсын ахлах байцаагчийн шийдвэрээр 340 барилгыг нь ашиглахыг хоригложээ.
Харин орон нутагт 8621 барилга ашиглагдаж байгаагийн 5828 нь 2002 оноос баригдсан байгаа юм.
