Нийгэм

Цаг агаар: Ирэх долоо хоногт дуу цахилгаантай бороо орно

Цаг уур орчны шинжилгээний хүрээлэнгээс ирэх долоо хоногт аянга цахилгаантай аадар бороо орох талаар мэдээлэв.

Тодруулбал, маргааш буюу энэ сарын 19-нд баруун аймгуудын нутгийн хойд хэсэг, төвийн аймгуудын ихэнх нутаг, зүүн болон говийн аймгуудын нутгийн баруун хэсгээр, энэ сарын 20-нд нутгийн зарим газраар, 21-нд төв б олон говийн аймгуудын ихэнх нутаг, зүүн аймгуудын нутгийн баруун хэсгээр, 22-нд зүүн аймгуудын ихэнх нутаг, баруун болон говийн аймгуудын нутгийн зарим газраар бороо, дуу цахилгаантай аадар бороо орно.

Салхи нутгийн зарим газраар борооны өмнө түр зуур ширүүснэ.

Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Туул, Тэрэлж голын хөндийгөөр шөнөдөө 6-11 градус, өдөртөө 18-23 градус, говийн бүс нутгаар шөнөдөө 19-24 градус, өдөртөө 32-37 градус, бусад нутгаар шөнөдөө 13-18 градус, өдөртөө 25-30 градус дулаан байна.

ХОЛБООТОЙ МЭДЭЭ

Back to top button
Close