Манай улсын Ковид-19 халдварын нөхцөл байдал хүндэрч, эрчимт эмчилгээ, яаралтай тусламж гээд нарийн мэргэжлийн эмчийн хомсдол үүссэн талаар Эрүүл мэндийн сайд С.Энхболд байнгын хорооны хуралдаан дээр мэдэгдлээ.
Тэрбээр хэлэхдээ “Улсын хэмжээнд 27 мянган ор байдаг. Өнөөдрийн байдлаар 11,200 ор дэлгэн ажиллуулж байна. Бүх хүний нөөцөө шавхаж, хүний нөөцийн хомсдол үүсэж байна. Ялангуяа эрчимт эмчилгээ, яаралтай тусламж гээд нарийн мэргэжлийн эмч нарын хомсдол үүсэж байгаа. Нарийн мэргэжил эзэмшиж байгаа резидент эмч нар, төгсөх курсийн оюутнуудыг хүний нөөцөд бүртгэж байна” хэмээв.
Ингээд нөхцөл байдал хүндэрч, Эрүүл мэндийн салбарын ажилчид бүх чадлаараа ажиллаж байгааг дуулгаад тэдний цалин урамшууллыг нэмэх тогтолцоог хуульд тусгаж өгсөн гэв.
Н.Батаа