Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Замын-Үүдийн боомтоор нэвтрэх тээврийн хэрэгслийн тоог нэмэгдүүллээ – updown.mn

Замын-Үүдийн боомтоор нэвтрэх тээврийн хэрэгслийн тоог нэмэгдүүллээ

Шадар сайдын албан томилолт Дорноговь аймагт үргэлжилж байна. Тэрээр аймгийн удирдлагууд болон холбогдох албаны төлөөллүүдтэй уулзаж, Замын-Үүдийн боомтоор нэвтрэх ачаа тээврийн хэрэгслүүдийг нэмэгдүүлэх чиглэлээр БНХАУ-ын талтай хэлэлцэж, тодорхой шийдэлд хүрсэн талаар дуулгалаа.

Замын-Үүдийн авто замын боомтоор өдөрт дунджаар 350-400 орчим ачаа тээврийн автомашинууд нэвтэрдэг байсан бол Монгол Улсад коронавирусын цар тахал дэгдсэнтэй холбогдуулан БНХАУ-ын талаас хилээр нэвтрэх ачаа тээвэрт хязгаарлалт тогтоож, өдөрт 100-аас ихгүй тээврийн хэрэгсэл байхаар тогтоосон юм.

Хилээр нэвтрэх ачаа тээврийн эргэлт удааширч байгаатай холбогдуулан тээвэрлэлтийн зохиомол үнийн хөөрөгдөл бий болсны уршгаар иргэд, аж ахуйн нэгжүүдэд эдийн засгийн хүндрэл дарамт болж буй.

БНХАУ-ын Элчин сайдтай удаа дараалан уулзаж албан хүсэлт тавьсны дагуу маргаашнаас Замын-Үүдийн боомтоор өдөрт 150 автомашин буюу хоёр талдаа 300 автомашин солилцох нөхцөлийг бүрдүүллээ.

БНХАУ-ын талын зүгээс өглөө 9 цагт ачаа тээврийн автомашинуудыг ариутгал халдваргүйжүүлэлтийг хийгээд хил дээр бэлэн байвал өдөрт солилцох автомашины тоог нэмэгдүүлэх боломжтой гэдгээ илэрхийлсэн байна.

Иймд Шадар сайд С.Амарсайхан Замын-Үүдийн боомтоор нэвтрэх автомашины тоог нэмэгдүүлэх болсонтой холбогдуулан өглөө эртлэн ачаатай автомашины ариутгал халдваргүйжилтийг хийж, өөрсдийн зүгээс зохион байгуулалтаа сайжруулах чиглэл өгөв.

Мөн хилийн боомтоор нэвтрэх ачаа тээврийн эргэлт нэмэгдсэнтэй холбогдуулан үнийн зохиомол хөөрөгдөл үүсгэсэн тээврийн компаниудад хариуцлага тооцож, яаралтай хэвийн горимд шилжих лжүүлэн ажиллахыг аймгийн удирдлагууд болон холбогдох мэргэжлийн байгууллагын удирдлагуудад даалгав.

Дорноговь аймагт хийсэн албан томилолтынхоо төгсгөлд ачаа тээврийн жолооч нарын төлөөллүүдтэй уулзаж, санал сэтгэгдлийг нь сонсож,шийдвэрлэх чиглэлээр холбогдох албаныхан ажиллахаар боллоо.

 

Updown.mn

updown.mn

Мэдээний админ

Learn More →

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн