Хөдөө аж ахуйг дэмжихэд 30.8 тэрбум төгрөгийн зээл олгоод байна

Монгол Улсын Засгийн газраас дэлхий нийтийг хамарсан ковид-19 цар тахалтай холбогдуулан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-г баталсан.

Энэ хүрээнд “Хөдөө аж ахуйн үйлдвэрлэлийг дэмжих 500 тэрбум төгрөг”-ийн зээлийг олгож эхлээд байна.

Хаврын ноолуур бэлтгэлд 200 тэрбум төгрөг,
Газар тариалангийн үйлдвэрлэлд 100 тэрбум төгрөг,
Малчдыг дэмжих 200 тэрбум төгрөгийн хөнгөлөлттэй зээлийг тус тус олгох юм.

Жилийн гурван хувийн хүүтэй, гурван жилийн хугацаатай энэхүү хөнгөлөлттэй зээл нь сүүлийн жилүүдэд гарч байгаагүй. Дээрх зээлүүд бүгд арилжааны банкаар дамжин олгогдох учир малчид, тариаланчид, ноолуур бэлтгэгчид харилцдаг арилжааны банкандаа хандах хэрэгтэй юм. Одоогийн байдлаар 2165 хүсэлтэд 30.8 тэрбум төгрөгийн зээл олгоод байна.