Улс төр

Ерөнхийлөгчийн сонгуульд нэр дэвшигчдийн үнэмлэхийг тавдугаар сарын 24-нд олгож, нийтэд мэдээлнэ

Сонгуулийн ерөнхий хороо 2021 оны тавдугаар сарын 7-ны өдөр хуралдаж нэр дэвшигчийг бүртгэж, үнэмлэх олгох асуудлыг хэлэлцэн шийдвэрлэлээ.

Ерөнхийлөгчийн сонгуулийн тухай хуулийн 28 дугаар зүйлийн 28.6-д “Сонгуулийн ерөнхий хороо нэр дэвшигчийн баримт бичгийг хүлээн авах хугацаа дууссанаас хойш гурав хоногийн дотор бүртгэх эсэх асуудлыг шийдвэрлэж тогтоол гаргана” гэж заасан байдаг.

Мөн хуулийн 28 дугаар зүйлийн 28.7-т “Нэр дэвшигчийг бүртгэсэн тухай шийдвэр гарсан бол Сонгуулийн ерөнхий хороо нэр дэвшигчийн үнэмлэхийг санал авах өдрөөс 16 хоногийн өмнө нэг өдөр олгож, нийтэд мэдээлнэ.” гэж заасны дагуу 5 дугаар сарын 24-ний өдөр зохион байгуулна гэж тус хороо албан ёсны цахим хуудастаа өнөөдөр мэдээлэлээ нийтэлжээ.

Ерөнхийлөгчийн ээлжит сонгуульд:

МАН-аас У.Хүрэлсүх, АН-аас С.Эрдэнэ, “Зөв ХҮН электорат” эвслээс Д.Энхбат нарын нэрийг дэвшүүлж, баримт бичгийг бүртгүүлэхээр тавдугаар сарын 5-нд Сонгуулийн ерөнхий хороонд хүлээлгэн өгсөн билээ.

ХОЛБООТОЙ МЭДЭЭ

Back to top button
Close