Казахстаны Алматы хотноо сонгомол, чөлөөт бөхийн Ази тивийн аварга шалгаруулах тэмцээн сонгомол барилдаанаар эхэлсэн бөгөөд маргааш эмэгтэйчүүдийн тэмцээн эхэлнэ.
Өнөөдөр эмэгтэйчүүдийн тэмцээний сугалаа, оноолт явагдлаа.
-Эмэгтэй 50 кг-ын жинд 6 бөх зодоглоно. Нандинцэцэгийн Анударь эхлээд Энэтхэгийн Seema Seema-тай таарсан. Дараагийн тойрогт Казахстаны Валентина Ивановна Исламоватай барилдах юм
-53 кг 6 бөхтэй. Ганбаатарын Отгонжаргал эхлээд Энэтхэгийн Винеү Винештэй барилдана. Дараа нь Тайванийн Meng Hsuan Hsien-тэй таарсан.
-55 кг-д 4 бөх тойргоор барилдана. Мөнхболдын Дөлгөөн эхлээд Узбекистаны Мадина Усмонжоноватай, дараа нь Казахстаны Айша Уалишан, Өмнөд Солонгосын Hyungjoo Kim-той барилдах хуваарьтай.
-57 кг 7 бөхтэй. Алтанцэцэгийн Батцэцэг эхний тойрогт Киргизийн Назира Марсбектэй, дараа нь Узбекистаны Севера Эшмуратова, Энэтхэгийн Anshu Anshu-тай таарсан.
-59 кг-ын жинд 6 бөх барилдана. Баатаржавын Шоовдор эхний тойрогт Энэтхэгийн Сарита Саритатай таарчээ. Дараа нь түүнийг Казахстаны Диана Каюмоватай барилдана.
-62 кг-д 7 бөх барилдана. Хүрэлхүүгийн Болортуяа Шри Ланкагийн Deepika Weerabahu-тай таарсан. Дараагийн тойрогт түүнийг Узбекистаны Rushana Abdirasulova хүлээж байна.
-65 кг-д 6 бөх барилдана. Зоригтын Болортунгалаг Узбекистаны Ariukhan JUMABAEVA-тай барилдаад дараа нь БНСУ-ын Hanbit Lee-тэй таарлаа.
-68 кг-д Энхсайханы Дэлгэрмаа Энэтхэгийн Ниша Нишатай эхлээд барилдана. Дараа нь БНСУ-ын Eun Sun Jeong-тэй таарсан.
-72 кг-д 4 бөх тойргоор барилдана. Энхбаярын Цэвэгмэд, Энэтхэгийн Дивя Какран, Казахстаны Жамила Бакбергонова, Өмнөд Солонгосын Sujin Park нартай өрсөлдөх юм.
-76 кг 6 бөхтэй. Найгалсүрэнгийн Загардулам Киргизийн Aiperi Medet Kyzy, дараа нь Казахстаны Elmira Syzdykova-тай таарсан.
