Гуравдугаар сард болсон байгалийн гамшигт өртсөн малчид, иргэдэд Улсын Онцгой комисс, Олон улсын Улаан загалмай, Монголын УЗН-ээс ирүүлсэн хүмүүнлэгийн тусламжийг Мандалговь хотноо өнөөдөр хүлээлгэн өглөө.
УОК-оос хүчтэй шороон шуурганд орон гэргүй болсон 50 өрхөд гэр, “КОВШ-50” өөрөө ачигч машин, Олон улсын Улаан загалмай, Монголын УЗН-ээс 10 гэр, 60 гэрийн зуух, яндан, хөнжил гудас, гал тогооны багцын тусламж өгчээ.
УОК-ын тусламжийг УИХ-ын гишүүн Г.Мөнхцэцэг Дундговьд ирж, хүлээлгэн өгсөн бөгөөд энэ үеэр аймгийн Онцгой комиссоос малчдад малын тэжээл, амны хаалт зэрэг тусламжийг хуваарилан сумын удирдлагуудад хүлээлгэн өгсөн.
УИХ-ын гишүүн Г.Мөнхцэцэг энэ үеэр гамшгийн улмаас харамсалтайгаар амь эрсэдсэн есөн иргэний ар гэрт эмгэнэл илэрхийлж, мөнгөн тусламж өгсөн аж.
Б.Эрдэнэ
