Дорнод аймагт коронавирусийн халдвар бүртгэгдсэнээр 18 аймагт халдвар тархлаа
Коронавирусийн халдвар бүртгэгдээгүй байсан Дорнод аймагт коронавирусийн халдвартай хоёр тохиолдол батлагдлаа.
Тодруулбал, Дорнод аймгийн Төв, Хэрлэн суманд коронавируст халдварын магадлалтай хоёр тохиолдлыг ХӨСҮТ-д баталгаажуулах шинжилгээнд яаралтай илгээсэн хариу эерэг гарч, батлагдлаа. Батлагдсан хоёр иргэн гэрийн тусгаарлалтад байсан бөгөөд 7 дахь хоногийн давтан шинжилгээгээр илэрсэн байна. Иймд тус аймгийн Матад, Хэрлэн сумдыг “Шар түвшин”-д шүлжүүлж, хязгаарлалт тогтоогоод байгаа юм.
Ийнхүү Улаанбаатар хотоос халдвар зөөвөрлөгдсөн аймаг нэгээр нэмэгдэж, нийт 18 аймагт халдвар тархаад байна.
Л.Баяр