БНХАУ-аас худалдан авч буй эхний ээлжийн 300 мянган тун вакциныг хүлээн авах арга хэмжээг 2021 оны 4 дүгээр 2-ны өдөр “Буянт-Ухаа” олон улсын нисэх буудалд зохион байгуулав.
Вакцин хүлээн авах ажиллагаанд Гадаад харилцааны сайд Б.Батцэцэг, Эрүүл мэндийн яамны Төрийн нарийн бичгийн дарга Ц.Эрдэмбилэг нарын албаны хүмүүс болон БНХАУ-аас Монгол Улсад суугаа Элчин сайд Чай Вэньруй оролцов.
Гадаад харилцааны сайд Б.Батцэцэг арга хэмжээнд хэлсэн үгэндээ Монгол Улсын ковид 19 цар тахалтай тэмцэх үйл ажиллагаанд БНХАУ-ын зүгээс үргэлжлүүлэн дэмжлэг үзүүлж, арилжааны шугамаар вацкин нийлүүлэх зохицуулалтыг шуурхай хийж, богино хугацаанд нийлүүлж буйд талархал илэрхийлэв.
Энэ удаа “Синофарм” компанийн үйлдвэрлэсэн 300 мянган тун “Вероселл” вакциныг Монгол Улсын Засгийн газар худалдан авч байна. Дараагийн ээлжинд худалдан авах вакциныг ойрын хугацаанд нийлүүлэх талаар яриа хэлэлцээ хийж байна.
Гадаад харилцааны яам