Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Монгол залуусын байгуулж буй Марс гараг руу нисэх хүмүүсийг бэлтгэх сургуулилтын бааз жилд 20 тэрбум төгрөгийн орлого олно – updown.mn

Монгол залуусын байгуулж буй Марс гараг руу нисэх хүмүүсийг бэлтгэх сургуулилтын бааз жилд 20 тэрбум төгрөгийн орлого олно

Монголын говьд Марс гараг руу нисэх хүмүүсийг бэлтгэх сургуулилтын бааз, сансрын судалгааны чөлөөт бүс байгуулахаар Монгол залуус нэгдэж “Марс-V” төслийг хоёр дахь жилдээ ажиллаж байна.

Уг чөлөөт бүс байгуулагдсанаар манай улсад жилд дунджаар 20 тэрбум төгрөгийн орлого орж ирэх тооцоо гарчээ.

Дэлхий дээр – 42 хэм хүрдэг хамгийн хүйтэн говь зөвхөн Монголд байдаг. Энэ нь Марс гаргийн нөхцөл байдалтай ижил гэдгийг олон улсын эрдэмтэд баталжээ. Марс гаргийг эзэмших нь хүн төрөлхтөний ойрын зорилт юм. Тэгвэл сансар огторгуйг эзэмших хамтын мөрөөдлийг биелүүлэхийн тулд Марс руу нисэх хүнээ бэлтгэх орчин хамгийн чухал тул тухайн орчныг “Марс-V” төслийнхөн бий болгохоор зорьж байна. Энэ нь эдийн засгийн өндөр өгөөжтэй. Төслийн судалгаанд 200 гаруй залуус ажиллаж 2800 хүн сайн дураар нэгдээд байна.

“Марс-V” төслийн хүрээнд аялал жуулчлалыг ч давхар хөгжүүлэх боломжтой. Учир нь Монголын говийн орчин яг Марс дээр байгаа юм шиг мэдрэмжийг төрүүлэх юм. Ингэснээр сансарт нисэх, шинэ гараг дээр очих нь зөвхөн сансрын нисэгчдэд олдох ховор завшаан биш болон хувирна. Энэхүү байгалийн ховор зохилдлогоо зөвхөн Монголын говьд байгаа гэдгийг залуус онцоллоо.

“Марс-V” төслийн гүйцэтгэх захирал Г.Амгаланбаяр: “Хүн төрөлхтөн Марс руу хүнтэй хүлэг илгээхээр зорьж байгаа. Хүнээ бэлдэе гэхээр дэлхий дээр байгаа Марстай хамгийн адилхан нөхцөлд бэлдэх ёстой. Түүнийг нь Монголын говь гэж бид танилцуулж чадна. Марс гэж ярихаар хүмүүс сансарт, хол гэж ойлгоод байна. Уг нь бидэнд хамгийн ойр байгаа юм. Бид мэдэхгүй чадахгүй зүйлээ хийгээгүй, өөрсдөдөө байгаа зүйлээ дэлхийд санал болгож байна.

Бид Марс явах хүнийг бэлдэх бааз, хүн төрөлхтөнд зориулсан дасан зохицож амьдардаг бааз байгуулах юм. Манай улс бусад орны хийдэг зүйлийг улсдаа хийж дэлхийд өрсөлдөх нөөц боломж хязгаарлагдмал, харин давуу талаа гаргаж ирснээр шинжлэх ухааны салбарт болон эдийн засагт ч үр өгөөжтэй” гэв. Одоогоор тус төслийн баг зургаан аймаг дамнасан бүс нутгийн судалгааг хийж байгаа аж.

Б.Эрдэнэ

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн