Дулааны шугамын худаг руу унасан хүнийг аварчээ

Орхон аймгийн Баян-Өндөр сумын Хүрэнбулаг багийн 20 дугаар байр дулааны шугамын худаг руу хүн унажээ. Энэ тухай дуудлагыг 03.15-ны өдрийн 22:26 цагт хүлээн авсан байна.

Тус аймгийн Гал түймэр унтраах, аврах 56 дугаар ангийн алба хаагчид 3.5 км замыг туулан 22:31 цагт очиж, иргэн Ө /59 настай, эрэгтэй согтуу/ 4 метрийн дулааны шугамын худагт унасан байсныг 8 минут ажиллан эсэн мэнд гаргажээ. Тэр даруй эмнэлгийн байгууллагад хүлээлгэн өгсөн гэж ОБЕГ-аас мэдээллээ.