Төв аймгийн Мөнгөнморьт сумын Жаргалант багийн “Жаргалантын-Адаг” гэдэг газар гуравдугаар сарын 03-ны өдөр малчин Б нь малын эрэлд яваад сураггүй болсон тухай бид мэдээлсэн билээ.
Тухайн иргэнийг сураггүй болсон тухай дуудлагыг гуравдугаар сарын 04-ний өдрийн 02:25 цагт хүлээн авсан. Тус аймгийн Онцгой байдлын газрын Мөнгөнморьт сум дахь Гал түймэр унтраах, аврах 75 дугаар анги, Цагдаагийн хэсгийн алба хаагчид, тус багийн Засаг даргын Тамгын газрын ажилтнууд малчин, 43 настай, эрэгтэй Б-г эрэн хайх ажиллагааг зохион байгуулж 08:20 цагт гэрээс нь зүүн зүгт байрлах “Улаан шугуй” гэдэг газраас эсэн мэнд олжээ.
Эх сурвалж: ОБЕГ
