Сонгино тарих арга

Хөрс
Хөрс хэт муу шим тэжээлтэй хөрс биш л бол ямар ч хөрсөнд тарина. Харин сул хөнгөн хөрс байвал илүү тохиромжтой таны хөрс шаварлаг хар шороон хөрс байвал тарих газартаа нэмж өнжсөн бууц бас элс хийж өгвөл сул хөнгөн болоход тусалдаг. Харьцааны хувьд 60:25:15 буюу хөрс 60 хувь,  бууц 25 хувь, элс 15 хувь байвал их зүгээр байдаг. Элс их хэмжээгээр хийгээд хэрэггүй.

Гурваас дээш жил өнжсөн бууц байвал сайн. Нэг юм уу хоёр жил бол хэрэггүй ялзруулаад байдаг.  Тиймээс гурав болон түүнээс дээш өнжсөн бууц л олохгүй бол бууц нэмж хийж хэрэггүй гэж зөвлөмөөр байна.  1-2 жил өнжсөн нь зэрлэг их ургуулдаг бас сонгиныг өттэй болоод байдаг.

Хүчил 7.0рН
Таны талбайд ямар нэгэн хүнсний ногоо зүгээр асуудалгүй ургадаг бол хүчилд ач холбогдол өгөөд дэмий тарьдгаараа тарихад л болно

Үр
Та өөрт ойр үр зардаг дэлгүүрүүдээс авж болно. Гэхдээ сайн чанарын үр зардаг баталгаатай үрний дэлгүүрүүдээс авсан нь дээр бас үрээр эрт үрслүүлэн төл сонгино бэлддэг гэхдээ манайд бол бэлэн төл сонгино аваад тарьсан нь илүү хялбар санагдсан. Хаанаас төл сонгино үр авах вэ? гэвэл 3-4-5 сар хүртэл захиалга юм уу энд тэндхийн ногооны group үүдээр бэлэн зарагдаад явж байдаг.

Анх тааралдсан нэг хүнээс аваад тариад үзсэн чинь өтөөд өвчлөөд бас олигтой булцуу суугаагүй байсан тэгээд аль болох гайгүй хэдийн ногоон сонгино болгож хэрэглэсэн /Туршлага дутсан бас өвчинд нэрвэгдчихдэг сорт байсан байх гэж боддог/ дараа нь голланд сорт гэж байхаар нь аваад тариад үзтэл хөөрхөн жижигхэн хэмжээтэй булцуу сууж ургасан тэгээл тарьдаг болж эхэлсэн жил болгон заавал тарьдаг.

Админ нь үрээр тарьж үзээгүй дандаа төл сонгиноор нь аваад тарьдаг энэ нь амар санагддаг бас суулгаж тарихад ч хялбар төл  сонгиноны үр гэж  доорх зураг дээр харагддаг шиг ихэнхдээ улаан торон уутанд хийсэн байдаг

Төл сонгиноо суулгаснаас дунджаар 5 хоногийн дараа соёлж гарч ирдэг /зарим нь 2-3 хоног/

Үрийг ил эсвэл далд тарьдаг би анх далд булж 2-3см гүнд тарьдаг байсан шууд барьдаг хар шороон хөрсөнд тарисан болохоор дундаж хэмжээтэй ургасан энэ нь дэлгүүрийн сонгиноос 2 дахин жижиг хэмжээтэй сонгино ургаж байсан.  Сүүлд нь ил таридаг болсон энэ нь булцуу сайн суулгаж өгдөг нь ажиглагдсан гэхдээ тухайн хөрснөөсөө шалтгаална сул хөнгөн хөрс байвал илүү тохиромжтой ба булж тарьж болно

Дээрх зураг дээр харагдаж байгаа шиг суулгаад хамраа унагааж сонгиноо булна. Сонгио нь сул хөнгөн хөрсөнд сайн ургадаг.

Тарих
Сонгино нь хүйтэнд тэсвэртэй учир таван сараас эхлээд тарьж болно.

• Төл сонгино тус бүр 10см зайтай
• 1м-д 10н төл сонгино
• 1м.квд 100ш байхаар
• Эгнээ хооронд 30-60см зай үлдээж болно. та өөрөө тохируулаад энэ зай нь услах шланк тавих болон хөлөөр явж зэрлэг зулгаах зай юм.

Хэрэв улаан сонгино байвал үршил шим сайтай хар шороон хөрсөнд таривал илүү тохиромжтой.

Яагаад нөгөө сонгиноосоо өөр зайтай тарьж байгаа вэ гэвэл яагаан сонгино нь илүү зузаан хальстай бас илүү шим тэжээл сордог мөн ургац хураахад илүү уддаг бас үнийн хувьд ч арай үнэтэй байдаг.

• Төл тус бүр 15см зайтай
• 1м.квд 36ш байхаар
• Арчилгаа

Арчилгаа гэвэл зэрлэг зулгаах хогийн ургамал нь хөрсний чийг шим тэжээлийг сордог учир ургах үед зулгаагаад авчих хэрэгтэй хүмүүс андуурч тарисан ногоогоо зулгаах үе байдаг тийм болохоор болгоомжтой байгаарай сайн харж нягталж байгаад зулгаагаарай сайн ялгагдахгүй байвал хэд хоног хүлээгээд ялгарах үед нь зулгааж болно бас хүсвэл нэмж хөрсөө сийрүүлж болно үндсийг гэмтээхгүйхэн шиг эвтэйхэн сийрүүлэх хэрэгтэй

Усалгаа
Усалгааг 7 хоногт 1-2 удаа хийнэ гэхдээ 1 байхад болно таны хөрс хурдан хатдаг бол хатсан үед нь услаад байж болно

Бордоо
Та бордохгүй ургуулж болно. Дундаж хэмжээтэй  сонгино ургана.  Гэхдээ их арвин ургац бас илүү том булцуутай сонгино хурааж авмаар байвал сонгино нь түлхүү азотын бордоо шаарддаг учир та дэлгүүрээс азотын бордоо хайж бордсон нь дээр.  Хэмжээний хувьд NPK нь 16-6-4 , 10-5-5 , 20-5-5 ч юм уу Nitrogen буюу азотын агууламжтай бордоо ашиглаарай.

• Ургалтын явц булцуу сууж эхлэх явц дээрх зураг шиг харагдана.
• Хураах цаг дөхөх үед цагаан хальс нь шарлаж эхэлдэг гэхдээ хатаахаар тавьсан үед бас шарлана
• Хураах болон хатаах

95-100 хоног буюу 3-4 сарын дараа хурааж авдаг хураах болсон үед оройгоосоо шарлаж эхэлдэг. Газраас хөндийрүүлж сонгиноо ил гарган наранд 7-10 хоног хатаана бас шууд хэрэглэж болно.

Эх сурвалж: Ногоочин пэйж хуудас