Америкийн Johnson & Johnson корпораци АНУ-ын Хүнсний бүтээгдэхүүн, эм бэлдмэлийн чанарын эрүүл ахуйн хяналтын газарт COVID-19-ийн вакцинаа дэмжүүлэхээр хүсэлтээ гаргажээ.
“COVID-19-ийн эсрэг нэг удаагийн туршилтын вакциныг яаралтай хэрэглэх зөвшөөрөл хүснэ гэдэг дэлхий даяар хүмүүсийн өвчний зовлонг бууруулж, цар тахлыг багасгах чухал алхам юм” гэж тус корпорацийн мэдэгдэлд тэмдэглэжээ.
Johnson & Johnson нь дэмжигдсэн даруйд вакцинжуулалтаа эхлэхэд бэлэн байгаагаа зарласан аж. Түүнчлэн тус компаниас Европын холбооны нутаг дэвсгэрт энэ бэлдмэлээ хэрэглүүлэх санал гаргасан гэнэ. АНУ-д одоогийн байдлаар Pfizer/BioNTech, Moderna гэсэн хоёр вакцин хэрэглэхийг зөвшөөрч буй юм.
