О.Батханд: Ерөнхийлөгч болон ЕТГ жагсаал зохион байгуулаагүй, иргэн хүний хувьд би нэр төрөө сэргээлгэхээр шүүхэд хандаж байна

Ерөнхийлөгчийн хэвлэлийн төлөөлөгч О.Батханд “Өнөөдөр буюу 2020 оны нэгдүгээр сарын 22-ны өдөр Ерөнхийлөгч Х.Баттулга намайг өрөөндөө дуудаж уулзлаа. Нийслэлд нэгдүгээр сарын 20-ны өдөр тайван жагсаал болсон. Энэ жагсаалыг зохион байгуулсан хүний тоонд О.Батханд миний нэр орсон байна. Ямар баримтад үндэслэн Монгол Улсын иргэнийг аливаа хэрэгт холбоотой болохыг тогтоодог вэ? Би ардчилсан Монгол Улсад амьдарч байгаа. Ардчилсан Монгол Улсын иргэн ямар учраас ямар асуудалд холбогдсон гэдгээ асуух эрхтэй гэж бодож байна. Би 2012 оноос хойш АН-ын гишүүний үзэл баримтлалдаа хэвээр байгаа. Ялсан болон ялагдсан талд очиж үзээгүй. Энэ үеэс хойш би АН-ын олон лидерүүдийн уналт босолтыг нүдээрээ харж байсан хүн.

Жагсаал цуглаан зохион байгуулсан байж болзошгүй гэсэн мэдээлэл маш ихээр гарч байна. Ц.Туваан, Ө.Шижир, О.Батханд гээд олон хүний нэр явж байна. Эрүүгийн хуулийн 13.14-т зааснаар хүний нэр хүндэд халдсан худал мэдээлэл тараах нь өөрөө гэмт хэрэг. Тухайн өдөр “Үнэн ба зөв” намын дарга А.Отгонбаатарыг Сүхбаатарын талбайд ирэхэд шударга Монгол хүн байна гэж харснаас биш би түүнтэй холбогдоогүй.

Мөн “ХҮН” намын дарга Ц.Доржханд, Гүндалай, Э.Одбаяр нарыг лайв хийж байхыг харсан. Энэ бол бүх намын төлөөллүүд тухайн өдөр лайв хийж байжээ. Ч.Ганжавхланг би эх оронч Монгол залуу гэж боддог. Тэрбээр жагсаалыг Ерөнхийлөгч зохион байгуулсан мэтээр хэлсэн. Мөн түүний мэдээлэлд ултөрчдөд хэвлэлийн алба нь худал мэдээлэл өгдөг гэсэн байсан.

Ерөнхийлөгч болон ЕТГ жагсаал зохион байгуулсан асуудалтай ямар ч хамаагүй. Иргэн хүний хувьд би нэр төрөө сэргээлгэхээр шүүхэд хандаж байна” гэв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн