Нийгэм

НӨАТ-ын буцаан олголтыг нэгдүгээр сард багтаан олгохыг зорьж байна

Иргэд 2020 оны дөрөвдүгээр улирал буюу аравдугаар сарын 1-нээс арванхоёрдугаар сарын 31-ний хооронд худалдан авалт хийсэн баримтаа ebarimt-д бүртгүүлснээр НӨАТ-ын буцаан олголтын урамшууллаа авах боломж бүрдэж байгаа билээ.

Энэ удаад дөрөвдүгээр улирлын НӨАТ-ын буцаан олголтыг өгөхөөр Татварын ерөнхий газар иргэдийн мэдээллийг хянаж, баталгаажуулж байгаа ба нэгдүгээр сардаа багтаж НӨАТ-ын буцаан олголтыг олгохоор ажиллаж байна. Амжихгүй бол хоёрдугаар сарын эхэнд олгоно гэсэн тайлбарыг Сангийн яамнаас өгсөн байна.

Өмнөх улирлын буцаан олголтыг дараа улирлын эхний сард багтаан иргэдийн бүртгэлтэй данс руу шилжүүлэх хуультай. НӨАТ-ын буцаан олголтыг өнгөрсөн оноос эхлэн улирал бүрд олгож буй билээ.

Өнгөрсөн оны нэгдүгээр улиралд 869000 иргэнд 35.8 тэрбум, хоёрдугаар улиралд 38.2 тэрбум төгрөгийг 901615 иргэнд, гуравдугаар улиралд 993469 иргэнд 43.4 тэрбум төгрөг тус тус олгожээ.

 

Л.Баяр

ХОЛБООТОЙ МЭДЭЭ

Back to top button
Close