Тээврийн цагдаагийн албанд энэ сарын 18-21-нд зам тээврийн ослын шинжтэй 474 дуудлага мэдээлэл бүртгэгджээ. Бүртгэгдсэн зам тээврийн ослын улмаас 11 хүн гэмтэж, ноцтой зам тээврийн ослын улмаас орон нутаг хоёр хүн нас баржээ.
Нийт хүн гэмтсэн ослыг хэлбэрээр нь авч үзвэл,
- Явган зорчигч мөргөх хэлбэрээр –8
- Онхолдох хэлбэрээр-1
- Үл хөдлөх зүйл мөргөх хэлбэрээр-1 тус тус бүртгэгдсэн байна.
Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон нийт 201 зөрчил ирлүүлсний 87 нийслэлд, 114 орон нутагт тус тус бүртгэгдсэн байна. Ийм иргэд та бүхэн замын хөдөлгөөн оролцохдоо сонор сэрэмжтэй байна уу.
Эх сурвалж : ТЦА