Эдийн засаг

Азийн хөгжлийн банкнаас 158.8 сая ам.долларын зээл, буцалтгүй тусламж авчээ

Монгол Улсын Шадар сайд Я.Содбаатар Азийн Хөгжлийн банкны Монгол Улсыг хариуцсан захирал Павит Рамачандрантай цахим уулзалт хийлээ. Цахим уулзалтад ОБЕГ-ын дэд дарга, хурандаа Ц.Ганзориг, Бодлого зохицуулалт, хамтын ажиллагааны газрын дарга, хурандаа Л.Өлзийбаяр нар оролцсон юм.

DSC9778-1-1024x683 Азийн хөгжлийн банкнаас 158.8 сая ам.долларын зээл, буцалтгүй тусламж авчээ

Энэ үеэр 2021-2024 онуудад Монгол Улстай хамтран хэрэгжүүлэх түншлэлийн стратегид багтсан буцалтгүй тусламж, техникийн туслалцааны төсөл хөтөлбөрүүдийн талаар санал солилцлоо.

Өнгөрсөн 28 жилийн хугацаанд Азийн хөгжлийн банк Монгол Улсад нийт 3.2 тэрбум ам.долларын санхүүжилт хийсэн байна. Тухайлбал боловсрол, эрүүл мэнд, нийгэм, санхүү, дэд бүтэц, хот төлөвлөлт зэрэг олон салбарт бодит үр дүн үзүүлж ирсэн.

139855114_746850052605924_968841142067855430_o-6yfwc3y7pe8js45ppo2k0w395gxcqoyl1aswlqc6kw0 Азийн хөгжлийн банкнаас 158.8 сая ам.долларын зээл, буцалтгүй тусламж авчээ

“КОВИД-19” цар тахал гарсантай холбогдуулан цар тахлын эсрэг хариу арга хэмжээ авах, урьдчилан сэргийлэх, цар тахлын эдийн засаг, төсөв, нийгмийн эмзэг бүлэгт үзүүлэх сөрөг нөлөөллийг бууруулахад чиглэсэн 158.8 сая ам.долларын зээл болон буцалтгүй тусламжийн 6 төсөл, хөтөлбөрийг цаг алдалгүй, түргэн хугацаанд Монгол Улсын Засгийн газартай хамтран хэрэгжүүлж эхэлсэнд Шадар сайд талархал илэрхийллээ.

Цаашид нийгэм, эдийн засгийн байдал болон коронавирусийн үед авч хэрэгжүүлж буй бодлого үйл ажиллагаа, эдийн засгийг сэргээх, Монгол Улсын Шадар сайдын харьяа агентлагуудад хэрэгжүүлж буй болон хэрэгжүүлэхээр төлөвлөж байгаа төсөл хөтөлбөрүүдэд саналаа хүргүүлж, харилцан ашигтай түншлэлийг өргөжүүлэн ажиллах чиглэлд хамтран ажиллахаар боллоо гэж Онцгой байдлын ерөнхий газраас мэдээллээ.

DSC9785-1-1024x683 Азийн хөгжлийн банкнаас 158.8 сая ам.долларын зээл, буцалтгүй тусламж авчээ

ХОЛБООТОЙ МЭДЭЭ

Back to top button
Close