Болгарын Пазаржик хотод Ковид-19-ийн эсрэг биеттэй хүүхэд мэндэлсэн тухай Болгарын үндэсний радио мэдээлжээ.
28 настай эмэгтэй төрөхийн өмнөхөн өндөр халуурч, ханиалсан оноштойгоор эмнэлэгт иржээ. Эмэгтэйг эмчилсний дараа эмч нар түүнд кесарев хагалгаа хийхээс өөр аргагүй болсон байна. Учир нь коронавирусээс болоод эхэст нь өөрчлөлт гарч, ургийн өсөлт удааширсан аж.
Ингээд мэс засал ч амжилттай болж, 2,75 кг жинтэй, 46 см өндөр хүүхэд гарчээ. Сүүлд нь хүүхдэд шинжилгээ хийж үзтэл коронавирусний эсрэг биеттэй болох нь тогтоогдсон байна. Одоогоор хүүхдийн биеийн байдал сайн байна. Удалгүй ээжтэйгээ хамт эмнэлгээс гарах юм байна.
Сингапурт ч мөн жирэмсэн байхдаа хөнгөн хэлбэрийн коронавирусний халдвар авсан эмэгтэйгээс эсрэг биеттэй хүүхэд мэндэлсэн тохиолдол гарсан билээ.
Орчуулсан Э.Март : mir24.tv/news