Улсын онцгой комиссын шийдвэрийн дагуу Онцгой байдлын ерөнхий газраас цагдаагийн байгууллагад 53,600 ширхэг халдаг улавч олгосныг эргүүл, хяналт шалгалт, тусгаарлах байр, орон сууц, гэрийн тусгаарлалтын объектын хамгаалалт, Улаанбаатар хот руу орох, гарах хөдөлгөөнд хяналт тавих постуудад үүрэг гүйцэтгэж буй бүх алба хаагч, Дотоод хэргийн их сургуулийн сонсогч нарт өчигдөр түгээлээ гэж Нийслэлийн цагдаагийн удирдах гарзаас мэдээллээ.
Уг улавч нь Япон улсад үйлдвэрлэгдсэн, удаан хугацаагаар хүйтэн нөхцөлд ажилладаг хүмүүс хэрэглэхэд тохиромжтой. Уутнаас нь салгаад хэрэглэхэд 14 цагийн турш халуунаа барьдаг байна.
Улаанбаатар хотод бүх нийтийн бэлэн байдал зарласан энэ үед өдөрт 3000 орчим цагдаагийн алба хаагч, 1000 гаруй сонсогч явган зорчигчийн болон тээврийн хэрэгслийн хөдөлгөөнд хяналт тавих чиглэлээр үүрэг гүйцэтгэн ажиллаж байгаа юм.
Эх сурвалж : ОБЕГ
