Улсын хэмжээнд коронавирусийн халдвар зургаан аймаг, болон Улаанбаатар хотод кластер хэлбэрээр бүртгэгдэж байгаа юм.
Үүнээс, Архангай болон Говьсүмбэр аймагт арванхоёрдугаар сарын 1-ний өдрөөс хойш халдварын тохиолдол нэмж гараагүй. Хэдийгээр тухайн аймгуудад халдварын нууц үеийн 14 хоногийн хугацаа дуусаж, хяналтын 14 хоног шилжсэн ч авч буй арга хэмжээ нь үргэлжилж, хавьтал болсон хүмүүсээ тандаж судална.
Түүнчлэн
– Орхон аймагт ес хоног
– Дархан-Уул аймагт 13 хоног халдвар шинээр бүртгэгдээгүй байна. Гэхдээ голомтын нууц үеийн хугацаа нь арай дуусаагүй байна гэж ХӨСҮТ-ийн Тандалт, судалгааны албаны дарга А.Амбасэлмаа хэллээ.
Л.Баяр