Эх сурвалж : Өдрийн сонин
Монгол Улсын Б.Буджаргал АНУ-ын Флорида мужид болж буй хэт холын зайн гүйлтийн зургаан өдөр тэмцээний “Fort Lauderdale Florida USA 6” сүүлийн өдөр буюу 6 дах өдөр үргэлжилж байна.
Энэхүү тэмцээний Дэлхийн дөрвөн удаагийн аварга Б.Буджаргалд Монгол Улсын Ерөнхийлөгчийн зарлигаар гавьяат тамирчин цол олгохоор болжээ. Тэрээр ард түмэн, ААН-ийн хамт олныхоо тус дэмээр уг тэмцээнд амжилттай оролцож байна.
Холын зайн гүйлтийн холбооноос зохион байгуулагддаг уралдаан тэмцээнүүдэд амжилттай оролцож, хэт холын зайн гүйлтийн Дэлхийн дөрвөн удаагийн аварга болсон Б.Буджаргалтай Монгол Улсын Ерөнхийлөгч Х.Баттулга утсаар холбогдож амжилт хүссэн юм.
Дээрх тэмцээнд өрсөлдөж байгаа Б.Буджаргал тэмцээний эхнээс тэргүүлж эхэлсэн бөгөөд тав дахь өдрийн байдлаар Б.Буджаргал 614 км гүйж тэргүүлсээр байгаа аж.
