Сэрэмжлүүлэг: Хоёр явган зорчигч автомашинд мөргүүлж нас баржээ

Энэ сарын 10-нд буюу өчигдөр 66 настай эрэгтэй жолооч “Toyota  Prius”  маркийн автомашинтай зорчиж байхдаа явган зорчигч 16 настай эмэгтэйн амийг хохироосон, Баянзүрх дүүрэгт 34 настай эрэгтэй жолооч 63 настай эрэгтэй явган зорчигчийг мөргөсний улмаас хохирогч нас барсан харамсалтай гэмт хэрэг гарлаа.

Хэргүүдийг Тээврийн цагдаагийн албаны Замын цагдаагийн газрын Мөрдөн шалгах хэлтэс шалгаж байгаа бөгөөд замын хөдөлгөөнд оролцогч жолооч нарыг тээврийн хэрэгслийн хурдаа зөв сонгож явах, явган зорчигчдыг гарц, гарамтай хэсгээр зам хөндлөн гарахыг анхаарууллаа.