Оросын сэтгэлзүйч Жанна Абрамова эмэгтэй хүнийг аз жаргалтай болгох 3 үндсэн зөвлөгөөг эрчүүдэд өглөө.
Нэг тэргүүнд эрчүүд хайртай бүсгүйгээ өөрийнхөө төлөвлөгөөнд тооцож оруулж байхыг зөвлөж байна. Учир нь энэ нь эмэгтэй хүн хайртай хүндээ итгэх итгэлийг бий болгодог. Тухайлбал, “Бид тийшээ явна”, “Бид тэгнэ, ингэнэ”, эсвэл “Бид худалдан авна” гэх мэт хэллэгийг байнга хэрэглэж байх хэрэгтэй.
Түүнчлэн хүүхэд төрөх, декретээ авахтай холбоотойгоор сонгосон хүндээ итгэлтэй байх нь чухал. Эмэгтэйчүүд хайртай залуу, эр нөхрөө түшиг тулгуур, өөрийгөө болон үр хүүхдүүдээ аюулгүй байлгах боломж гэж хардаг.
Түүнчлэн заримдаа эмэгтэйчүүд сул дорой байхыг хүсдэг. Тэд дэргэдээ бүхий л асуудлыг нь шийдэж чаддаг, үргэлж тусламж үзүүлдэг хүн байдаг гэдгийг мэдрэхийг хүсдэг. Гэхдээ энэ бол биеийн хүчтэй холбоотой бус, эр зоригтой нь холбоотой асуудал юм.
“Хайртай хүнээсээ эр зориг, найдвартай байдлыг мэдрэх нь бүсгүй хүнийг илүү аз жаргалтай, сэтгэл хангалуун, ер бусын эмэгтэйлэг болгодог” хэмээн Оросын сэтгэлзүйч Жанна Абрамова хэлжээ.
