Японы уран зураач Такахиро Шибатагийн нүдний шил амны хаалтнаас болоод байнга цантдаг. Тэрбээр энэ асуудлаа шийдвэрлэх гэж байгаа тун өвөрмөц 3D маск зохион бүтээсэн нь олны идэх дур хүслийг өдөөж байна.
Шибата амны хаалт зүүснээс болоод нүдний шилтнүүдэд тулгардаг асуудлыг урлагийн бүтээл болгож, амны хаалтаа уур савссан тавагтай рамен шиг болгожээ. Өөрөөр хэлбэл шил цанатах тусам гоймонтой шөл илүү амтлаг харагдана.
3D маскийг эсгий шавраар хийсэн бөгөөд гахайн хэрчсэн мах, ногоон сонгино, хулсны үртэс, загасны пирогны хэлтэрхий гээд хоолны бусад материалыг нь полимер шавраар урлажээ. Шибата энэ бүтээлээ зарах сонирхолгүй, хүнд үед хүмүүсийг бага зэрэг хөгжөөх зорилготой гэжээ.
“Дэлхий нийтээрээ коронавирусийн цар тахалд дарагдаад буй энэ үед би хүмүүсийг сэргээхийн тулд юу хийх вэ гэж их боддог юм. Аяган маскийг хөвөн, чимэглэлээр дүүргэсэн, чихмэл тоглоом шиг жинтэй. Тиймээс зүүхэд тийм ч тав тухтай биш” хэмээн тэрбээр хэлсэн аж.
