Нийгэм

Сэрэмжлүүлэг: 220 граммаар савласан хий дэлбэрсэн байна

СХД 18 хороо, 22б байрны 7 давхарын айлд эзэнгүй байх үед 220 граммаар савласан хий дэлбэрсэн байна. Тус айл тоггүй байх үедээ жижиг аяны зориулалтын хийн плиткыг цахилгаан плитка дээр байрлуулан ашиглаж байсан ба эзэнгүй байх үед тог ирж савтай хийг халааснаас хий дэлбэрсэн байна.

Хоёр цонх бүрэн хагарч эвдэрсэн байна. Гэмтэж бэртсэн хүн байхгүй болно.

Хийн плитка ажиллуулахдаа:
-Плитканы бүх хаалтууд хаалттай эсэх, өрөө тасалгаанд хий алдагдсан эсэхийг заавал шалгах хэрэгтэй
-Плиткийг ашигласны дараа хийн плитканы хаалтуудыг гүйцэд хаах хэрэгтэ
-Плиткийг үргэлж цэвэр байлгах, ялангуяа халаах хошууг бохирдохоос хамгаалж байх
Хориглох зүйлс АНХААР !!!
-Бага насны хүүхэд болон аюулгүй ажиллагааны заавартай танилцаагүй хүн ажиллуулахыг хориглоно
-Тулгагүй плитка дээр сав тавихыг хориглоно
-Плитканы хаалтууд нээлттэй үед баллоны хаалтыг онгойлгохыг хориглоно
-Холбох хоолой, хаалтуудыг хатуу биетээр цохиж гэмтээх, хаалтын бариулыг түлхүүр бахь гэх мэт зориулалтын бус зүйлээр эргүүлэхийг хориглоно
-Асаалттай байгаа плиткийг хараа хяналтгүй орхихыг хориглоно. Учир нь буцлаж байгаа шингэн зүйлс нь дэвэрсэн үед плитка унтарч хий алдагдаж дахин асаахад дэлбэрэлт үүсч болзошгүй мөн тос дэврэх үед гал түймэр гарах аюултай !!!

-Плитка дээр тулганы голчийн хэмжээнээс илүү буюу хэт хүнд зүйл (25 кг-аас илүү) тавихыг хориглого
-Ямар нэг засварын ажил хийх, плитканы бүтцийг дур мэдэн өөрчлөхийг хориглоно

-Шингэрүүлсэн шатдаг хий алдагдсан байранд гэрэлтүүлэх болон өөр бусад зорилгоор шүдэнз, асаагуур асаах, гэрлийн утраалга дарах, залгуурт цахилгаан хэрэгсэл залгаж үл болно

119068850_3865028283524523_816064366341692010_n Сэрэмжлүүлэг: 220 граммаар савласан хий дэлбэрсэн байна 119178871_3865027936857891_4715447188164831725_n Сэрэмжлүүлэг: 220 граммаар савласан хий дэлбэрсэн байна

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close