Нийгэм

Монголд ирж шалгалт хийх ФАТФ-ын багийг тусгай онгоцоор хэрхэн авчрах талаар судалж байна

Монгол Улсыг Саарал жагсаалтаас гаргах ажлын хүрээнд ФАТФ-ын баг ирж, газар дээрх үнэлгээ хийх шаардлагатай байгаа юм.

Коронавирусийн цар тахлын энэ үед улс орон бүрийн хорио цээрийн дэглэм ялгаатай байгаагаас шалтгаалан ФАТФ-ын багийг тусгай үүргийн онгоцоор хэрхэн авчрах гэж байгаа талаар судалж буйг Монголбанкны дэд ерөнхийлөгч Г.Энхтайван мөн мэдээлсэн билээ.

Тэгвэл энэ ажлын хүрээнд ирэх ФАТФ-ын багийн зургаан хүн Монголд 140 орчим хүнтэй уулзалт хийх шаардлагатай байгаа. Тиймээс тэдгээр 140 хүнийг 21 тусгаарлах талаар Шадар сайд Я.Содбаатар сэтгүүлчидтэй хийсэн уулзалтынхаа үеэр мэдээллээ.

Монгол Улс Ковид-19-ийн халдварыг дотооддоо алдаагүй байгаа нөхцөл байдлыг үндэслэн Улсын Онцгой комисс болон Засгийн газраас зарим дэглэмийг сулруулж, үзвэр үйлчилгээ, сургууль, цэцэрлэгийн үйл ажиллагааг хэвийн явуулж, хилээ хаалттайгаар хорио цээрийн дэглэмийг хэвийн горимд шилжүүлэхээр болоод буй.

Энэ хүрээнд хүндэтгэн үзэх нөхцөл байдлыг харгалзаж, Монголд ирэх шаардлагатай гаднын ажилчдыг нэвтрүүлэхээс гадна гадагшаа уралдаан тэмцээнд оролцох шаардлагатай тамирчдаа явуулах боломжийг бүрдүүлэх бодлого барих талаараа Шадар сайд Я.Содбаатар мөн мэдэгдэв.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close