Өнөөдрөөс эхлэн Шивээхүрэн-Сэхээ боомт 08.00-20.00 цаг хүртэл цайны цаггүй ажиллахаар болсон байна. Тус боомтоор өдөрт дунджаар 700-800 машин нүүрс экспортоор гарч байсан бол ажиллах цагийг нэмэгдүүлснээр өдөрт 800-900 машин нүүрс гаргах боломжтой болох аж.
Нүүрсний экспортын урсгал сүүлийн үед аажмаар нэмэгдэж байна. Тухайлбал, өнгөрсөн сарын 25-ны өдөр буюу Гашуунсухайт, Шивээхүрэн, Ярант, Ханги боомтоор нийт 2001 машин нүүрс экспортолсон. Энэ нь тав, зургаадугаар сарынхтай харьцуулахад дөрөв дахин өссөн үзүүлэлт юм.
