БНАСАУ “Scud” загварын пуужин хөөргөсөн гэж Өмнөд Солонгосын Штабуудын дарга нарын хорооноос мэдээллээ. Тус мэдээлэлд “Урьдчилсан байдлаар Scud ойрын тусгалын пуужин байх магадлалтай байна” гэжээ. Энэхүү мэдээллийг БНСУ-ын Ерөнхийлөгч Мүн Чэ Инд яаралтай дуулгаж, Үндэсний аюулгүй байдлын зөвлөлийн яаралтай хуралдааныг хуралдуулсан байна.
Өмнөд Солонгосын ГХЯ-ны мэдэгдэлд “Энэхүү алхам нь НҮБ-ын Аюулгүйн зөвлөлийн зохих тогтоолыг зөрчсөн нь илт бөгөөд Солонгосын хойгийн төдийгүй дэлхий дахины энх тайван, тогтвортой байдалд ноцтой заналхийлсэн үйлдэл боллоо” гэж тэмдэглэжээ.
