Дэлхийн улс орнууд тэр дундаа дэлхийн хамгийн том эдийн засагтай АНУ зэрэг улс коронавирусний цар тахалтай холбоотой хямралын нөхцөл байдлаас гарах эсэх нь тодорхойгүй байгаа энэ үед Азийн биржүүдэд алтны үнэ нэг трой унц нь түүхэнд байгаагүй дээд хэмжээнд буюу 1923 ам.долларт хүрчээ.
Ийм нөхцөлд хөрөнгө оруулагчдын сонирхол өсөн нэмэгдэж буй үнэт металлын үнэ даваа гарагт 1.1 хувиар өсөж, долларын ханш сулрахад түүхэн дээд хэмжээнд хүрсэн байна. АНУ-ын эдийн засагчдын таамаглалаас гадна БНХАУ, АНУ-ын харилцаа муудаж байгаатай холбоотойгоор ийм зүйл болсон гэж “Financial Times” сонин мэдээлжээ. Түүнчлэн Флорида, Теннеси, Аризона мужуудад коронавирусний халдварын 62 мянган шинэ тохиолдол бүртгэгдсэн тухай сүүлийн үеийн мэдээллүүд ийм нөхцөл байдал үүсэхэд нөлөөлжээ.
Үүнтэй холбоотойгоор Японы банкны шинжээч Мизухо Кена Жана мэдэгдэхдээ, коронавирусний тархалтын тухай мэдээллүүд төдийгүй хурцадмал байдал нэмэгдэж буйд, мөн иймэрхүү тодорхойгүй байдлын улмаас хөрөнгө оруулагчид алтыг илүүд үзэж буй явдалд зах зээл тун соргог байна гэжээ.
