Ц.Ганзориг: Солонгос руу долоо хоног тутам чартер нислэг хийхээр судалж байна

Улсын Онцгой комиссын хуралдаанаас гарсан шийдвэрийг УОК-ын хэвлэлийн төлөөлөгч Ц.Ганзориг танилцууллаа. Тэрбээр “Улсын Онцгой комиссын 26 дугаар хуралдаан өнөөдөр боллоо. Хуралдаанаар гаргасан гол гурван шийдвэрийг танилцуулъя.

1. Улаанбаатар хотын автозамын 60 гаруй хувь нь ус зайлуулах шугамтай. Гэвч хуучин буюу насжилт өндөртэй замуудад ус зайлуулах шугам сүлжээ байдаггүй тул авто зам дагуу ус хуримтлагдах асуудал тулгарч байгаа учир ус зайлуулан шгуам сүлжээг сайржуулах

2. Ховд аймгийн Цэцэг суманд бүртгэгдсэн тарваган тахлын улмаас хөл хорио тогтоосныг үргэлжлүүлэх үүрэг өглөө.

3. Гадаад улсад байгаа иргэдээ татан авах ажил үргэлжилж байна. Долдугаар сард өмнөх сараас 50 хувиар илүү буюу 3,000 орчим иргэнээ татан авч байгаа. Эх орондоо ирэх хүсэлтээ гаргасан 9,884 гаруй иргэнээ хэрхэн татаж авах, тусгаарлах байрны хүрэлцээг нэмэгдүүлэхээр судалж байгаа.

Мөн өндөржүүлсэн бэлэн байдал долдугаар сарын 15-ныг дуустал үргэлжилж байгаатай холбогдуулж, ариутгал халдваргүйтгэлийг чанартай хийж, аж ахуйн нэгж, үйлчилгээний байгууллагуудыг шат дараатайгаар нээж, 10,000 ажлын байрыг сэргээж байгаа.

Цаашид үйлчилгээний байгууллагуудыг нээхээр ажиллаж байна.

Солонгос руу долоо хоног тутам чартер нислэг хийхээр судалж байна” гэв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн