Улсын онцгой комиссын шийдвэрийн дагуу энэ долдугаар сард найман удаагийн тусгай үүргийн нислэгээр гадны улс, орнуудаас ирэх иргэдээ татан авах ажиллагааг зохион байгуулж байна.
Өнөөдөр БНСУ-д байгаа иргэдээ татан авах МИАТ компанийн онгоц 10 цагт Буянт-Ухаагаас хөөрөх хуваарьтай байна. Тусгай үүргийн онгоц эргээд 16 цагийн орчим Улаанбаатарт газардах юм.
Энэ сарын 9-нд тусгай онгоц мөн Истанбул-Улаанбаатар чиглэлд нислэг үйлдэж Туркт байгаа иргэдээ татан авахаас гадна Турк улс Европын орнуудтай агаарын хилээ нээж байгаатай холбогдуулж, Европын улсуудаас иргэдээ татна.
Долоодугаар сарын 15-нд Сөүл рүү дахин нислэг үйлдэж транзит зорчигчдыг авна.
Долоодугаар сарын 20-нд Сөүл-Улаанбаатар /БНСУ-д байгаа иргэдээ татан авна/
Долоодугаар сарын 21-нд Токио-Улаанбаатар /Япон улсад байгаа иргэдээ татан авна/
Долоодугаар сарын 26-нд Франкфурт хотууд руу тус тус нислэг үйлдэнэ.
