УИХ-ын чуулганы нэгдсэн хуралдаанаар Ерөнхий сайдаар У.Хүрэлсүхийг батлах эсэх асуудлыг хэлэлцэж байна. Энэ үеэр УИХ-ын гишүүн Ж.Батсуурь орон нутагт хууль хэрэгждэггүй. Ерөнхий сайдад асуудлыг тавьж, хандахаар Засгийн газар дээр очоод гацчихдаг. Ерөнхий сайдад асуудлыг танилцуулахгүйгээр дардаг асуудлууд байдаг. Үүнд та сайн анхаарал хандуулаарай.
Мөн ноолуурын асуудал дээр анхаарал хандуулна уу. Хавар малчдаас ноолуурыг бараг дээрэмдээд, зальдаад авсан. Малчид ноолуурын мөнгөө олж авч чадахгүй байгаа асуудал бий. Хүмүүсийг өр ширэнд оруулж, хүндрэлтэй байдал үүсээд байна. Үүнд анхаарал хандуулаарай хэмээв.
Н.БАТАА