АНУ-ын Конгрессын Төлөөлөгчийн танхимын гишүүнд Монтана мужаас нэр дэвшигч, Бүгд найрамдах намын гишүүн Грег Жианфортыг хүний биед халдсан хэргээр буруутгажээ. Тэрбээр Британийн “Guardian” сонины сурвалжлагч руу халдаж, нүдний шилийг нь хагалсан аж. Жианфортын төлөөлөгч сэтгүүлчийг өөрөө зөрчил маргааныг өдөж, нэр дэвшигчийн гараас шүүрэн авсан гэжээ. Харин “Guardian” сонин мөргөлдөөний үеэрх бичлэгийг цацсан байна.
