Салхитын ордын маргааныг шүүхээр шийдэхдээ 10-170 сая төгрөгийн хахууль авсан хэрэгт 6 шүүгч холбогдсон билээ
Улсын дээд шүүхийн Иргэний хэргийн танхимын шүүгч
Ц. Амарсайхан
Г.Цагаанцоож,
Д.Цолмон,
Чингэлтэй дүүргийн Иргэний хэргийн танхимын ерөнхий шүүгч Б. Сайханцэцэг,
Захиргааны хэргийн давж заалдах шатны шүүгч Э.Халиунбаяр,
СХД-ийн Иргэний хэргийн танхимын ерөнхий шүүгч Б.Цолмонбаатар
нарыг авлигалын хэрэгт холбогдуулан шалгасан.
Мөрдөн байцаалтын явцад УДШ-ийн шүүгч Ц.Амарсайхан БНСУ-д эмчилгээнд яваад ирээгүй. Хэргийг нь тусгаарласан.
ЧД-ийн Иргэний хэргийн танхимын шүүгч Б.Сайханцэцэг нь хэргийн оролцогчоос авсан мөнгөө зээлсэн болгон шүүхээр захирамж гаргуулж тусгаарлуулжээ.
Харин УДШ-ийн шүүгч Г. Цагаанцоож Д.Цолмон нар цагааджээ.
Ингээд дээрхи 6 шүүгчээс шүүгчдэд авлигал өгөх ажлыг зохион байгуулсан , авлигал зуучилсан 2 шүүгч л яв авсан байна.
Шүүгчдэд хахууль өгөхөд оролцож зуучилсан Захиргааны хэргийн шүүгч Э. Халиунбаярт 3 жил хорих ял , мөн авлига өгөх ажлыг гол зохион байгуулж, зуучилсан СХД-ийн ерөнхий шүүгч Б.Цолмонбаатарт 5 жилийн хорих ял тус тус оноожээ. Шүүгч Б.Цолмонбаатар нь Салхитын ордоос гадна өөр хэрэгт мөн авлигал авсан асуудалд давхар холбогджээ.
Шүүгч Б.Цолмонбаатар нь Салхитын ордын лицензийг булаалдагч Ш.Мөнгөншагайн хүргэн дүү болох Г.Жаргалангийн үеэл юм. Салхитын ордын авлигалын хэргийг зохион байгуулсан гэх Ш. Мөнгөншагай, Г.Жаргалан нарт 3 жилийн хорих ял тус тус. оноожээ.
Г.Жаргалангийн 220 К орон сууц дахь гэрээс 1,3 сая ам доллар буюу 3 тэрбум төгрөгтэй тэнцэх хэмжээний бэлэн доллар хураагдаж байсан билээ.
Шүүгчдээс гадна ХУД-ын Цагдаагийн хэлтсийн Мөрдөн шалгах хэлтсийн дарга Алтан-Очир мөн уг авлигалын хэрэгт холбогдсон. Түүнд 3 жил хорих ял оноожээ.
