Коронавирусын цар тахал олон хүний амь амьдралыг сүйтгэж, дэлхийн эдийн засагт сандрал бий болгож, Засгийн газруудын чадамжийг шалгаж байна. Ирээдүй хэрхэн яаж өөрчлөгдөхийг таах аргагүй байгаа…
“Форин Полиси” сэтгүүл цар тахлын дараа бүрэлдэж төлөвших дэлхийн шинэ дэг журмын талаар төсөөлж байгаа санаа бодлоосоо хуваалцахыг янз бүрийн улс орны дэлхийн тэргүүлэх 12 сэтгэгчээс хүсчээ.
Ричард Хаасс: Дампуурсан шинэ улс орнууд
/Олон улсын харилцааны зөвлөлийн ерөнхийлөгч, “Дэлхий ертөнц: товч удиртгал” (The World: A Brief Introduction) номын зохиогч/
“Тасралтгүй үргэлжлэх, байнгын” (“перманентный”) хэмээх үг “бага”, “юу ч үгүй” хэмээх үгтэй утга нэг санагдаж, надад таалагддаггүй юм. Гэхдээ коронавирусийн улмаас улс орнууд багадаа нэлээд хэдэн жилийн турш гадаад улс орнууд руу биш, харин өөрсдийнх нь хил хязгаарын дотоодод болж байгаа бүхэнд анхаарал төвлөрч, дотогшоо хандах болов уу гэж бодож байна.
Ханган нийлүүлэлтийн хэлхээний эмзэг байдлыг харгалзан сонголттойгоор өөрийгөө хангах (үүний үр дүнд холбоо харилцааг сулруулахад хүргэнэ) тал руу илүү идэвхтэй алхмууд хийнэ гэж би харж байна. Өргөн цар хүрээтэй цагаачлалын эсрэг илүү хатуу ширүүн эсэргүүцэл бий болно. Өөрийнхөө эдийн засгийг сэргээж, хямралын эдийн засгийн үр дагаврыг арилгахад нөөцөө зориулах хэрэгцээг байнга мэдрэх болохоор улс орнууд бүс нутгийн болон глобал асуудалд (түүний дотор цаг уурын өөрчлөлтийн) оролцох бэлэн байдал, хүсэл сонирхол буурна.
Хямралын дараа олон орны хувьд сэргэлт авахад хүнд хэцүү байх болов уу гэж би бодож байна. Хэд хэдэн улс орны төрийн засаглал суларч, өөрийгөө авч явж чадахгүй улс орны тоо олон болно. Хямрал Хятад-Америкийн харилцааг муутгаж, Европын интеграцийг сулруулах биз ээ. Гэхдээ эерэг сайн тал ч бас гарна, тухайлбал, эрүүл мэндийн глобал систем, түүний удирдлага тодорхой төвшинд бэхжинэ хэмээн хүлээж найдаж болно. Бүхэлдээ глобалчлалд үндэслэсэн хямрал түүнийг гэтлэн давах дэлхий дахины бэлэн байдал, чадавхийг сулруулна.
1 comment
Manai teneguud songuul hiine gej baihiin orond dotood asudaldaa ankhaarah heregtei. Mongoliin ediin zasag mash emzeg, urgui zardal garah tusam bidnii ersdel ulam ihsene. Uund odoogiin zasag barag ankhaarahgui, songuuliin tuhai bodohoos iluu chadamjgui bna. Songuuliin daraa dahin am’drahgui yum shig uls ornii erh ashgiig umartaj baigaa bdal suuliin ued avch heregjuulj baigaa shiidver alkhamaas ilt haragdaj bna. Tsar tahliin huuliin dor songogch nariin erhiig hyazgaarlah gesen sanaa tsuhalzah bolloo…Bid hunsnii ayulgui baidal, bolon busad olon zuild sanaa tavih heregtei bna. Tevchih bolomjtoi buhii l zardaliig ulsiin bolon huviin bvaiguullaga, huv hun hurtel hiih shaardlagatai bna. Buteen baiguulalt, hurungu oruulalt shaardsan zuiluudees tatgalzah, harin Uul uurhain salbaraa demjih, alt olborloltond ontsgoi anhaarah, mungu oloh buhii l bolomjiig sudlah heregtei bna. Shathuunii nuutsiig ih hemjeegeer bii bolgoh heregtei bna. Dor hayaj 6 sariin nuust beldeh.