ДЭМБ-ын мэргэжилтэн О.Ариунтуяа вакцины талаар товч мэдээлэл өглөө. Тэрбээр “Сүүлийн 24 цагт коронавирусийн шинэ вирусийн тархалт өндөр байгаа орнуудад өвчин багасах хандлага ажиглагдлаа. Нас баралтаараа Франц хамгийн өндөр буюу 15 хувьтай байгаа бол Италид 12, Испанид 10 хувь байна.
Эмнэл зүйн туршилтад 90 гаруй орны 900 гаруй өвчтөн ороод байна. Мөн хүчилтөрөгчийн эмчилгээ, хиймэл амьсгалыг удирдах аргыг эргэн харж хэрэгцээг орлох аргуудыг судалж байна.
Сүрьеэ, халдварт саагийн вакцин нь коронавирусээс сэргийлдэг нь тогтоогдоогүй тул ДЭМБ-аас халдвараас сэргийлэх зорилгоор эдгээр вакциныг хийхийг санал болгохгүй байна. Одоогоор гурван вакцины туршилт эхэлсэн бөгөөд 70 гаруй хувийн боловсруулах шатанд явж байгаа.
Манай улс ДЭМБ-аас гарсан удирдамжийн дагуу тархалтын үе шат бүрт тохирох эмчилгээг хийж яваа. ДЭМБ-ын удирдамжийн дагуу ажиллахдаа тархалтын үе шатуудад тохируулан эмчилж байна. Маргааш хороодын мэргэжилтнүүд эрсдлийн үнэлгээгээ хийж яаралтай авах эрсдлийн арга хэмжээндээ бэлдэж байна” гэдгийг хэллээ.
Мөн “Вакцин үйлдвэрлэх нь удаан хугацаа шаардсан ажил. Гэхдээ COVID-19 –ийн вакциныг дэлхийн олон компани, судлаачид хийхээр оролдож байгаа билээ. Хүн дээр хийж буй туршилт нь гурван вакцин дээр эхэлсэн. Хугацааны хувьд хамгийн наад талдаа 1.5 жилийн дараа бэлэн болно гэж үзсэн. Масс үйлдвэрлэл явуулахад мөн л нэмэлт хугацаа шаардагдана” гэдгийг нэмж хэлэв
