Монгол Улсын маршал, Улсын баатар, Юмжаагийн Цэдэнбалын тухай баримтат, түүхэн уран сайхны киног “Хүмүүн фильм” уран бүтээлийн нэгдэл бүтээсэн байна. Уг түүхэн уран бүтээлийн кино зохиолч, ерөнхий продюсероор УИХ-ын гишүүн Ж.Мөнхбат, ерөнхий найруулагчаар А.Мөнхсүх нар ажиллаж байгаа.
Мөн “Түүх мартахгүй” баримтат уран сайхны кинонд билээ.
Тэгвэл “Түүх мартахгүй” бүтээл энэ сарын 21-нд зарим IPTV-ээр үзэгчдэд хүрэх бөгөөд уран бүтээлчдийн зүгээс Монгол болон ОХУ-ын кино наадамд оролцуулахаар төлөвлөсөн байна.
Түүнчлэн дээрх бүтээлд Монголын жүжигчдээс гадна ОХУ-ын уран бүтээлчдээс Ю.Цэдэнбал агсны гэргий Анастасия Ивановна Филатовагийн идэр насны дүрд ОХУ-ын залуу жүжигчин Екатерина Кобба (Оросын телевизийн “Мөр” олон ангит кинонд гол дүр бүтээсэн) тоглосон.
Харин А.И.Филатовагийн ахимаг насны дүрийг ОХУ-ын гавьяат жүжигчин Галина Анатольевна Бокашевская бүтээсэн юм. Үүнээс гадна ЗХУ-ын удирдагч Н.С.Хрущевийн дүрд ОХУ-ын гавьяат жүжигчин Виктор Балабанов, Л.И.Брежневийн дүрийг ОХУ-ын гавьяат жүжигчин Евгений Шмелев тус тус бүтээсэн байна.
