Эрүүл мэндийн яамнаас өнөөдөр ээлжит мэдээлэл хийлээ. /2020.04.04/
ЭМЯ-ны Шуурхай удирдлагын газрын дарга Д.Нарангэрэл: “Сүүлийн 24 цагийн хугацаанд 208 улсад CoViD-19-ын халдвар бүртгэгдээд байна. Олон улсад гаднаас зөөвөрлөгдөн ирсэн тохиолдол их бүртгэгдэж байна. Арлын улс
CoVid-19 халдварын тархалт АНУ, Итали, Иран, Испани, Швейцарь, Франц, ХБНГУ-д голомтлон тархаж байна.
Манай улсад зөөвөрлөгдөн орж ирсэн 14 тохиолдол бүртгэгдсэн. Үүнээс хоёр иргэн эдгэрч эмнэлгээс гарсан ч 14 хоногийн тусгаарлалтад хяналтад байгаа. ХӨСҮТ-д 12 өвчтөн эмчлэгдэн хянагдаж байна.
Өчигдөр Токио-Улаанбаатар чиглэлийн нислэгээр ирсэн 275 иргэнийг тусгаарлах байруудад хуваарилан байрлуулаад байна. Эдгээр иргэдээс хоёр сэжигтэй тохиолдлыг ХӨСҮТ-д тусгаарлаад байна. Бусад иргэдийг Цэргийн Госпитал, Токио зочид буудалд тусгаарлажээ. ЗӨСҮТ-өөс 6800 ачаа тээшийг халдваргүйжүүлсэн байна.
Ажиглалтад 2464 хүн байгаа бөгөөд тэдэнд 380 гаруй эмч, эмнэлгийн ажилтан тусламж, үйлчилгээг үзүүлж байна” гэв.
ДЭМБ: Европ, АНУ цар тахлын голомт болж 24 цагт халдварын шинэ тохиолдолд АНУ-д 12 хувиар, Италид 4 хувиар нэмэгдлээ. ДЭМБ хамгийн эрсдэлтэй бүлэгт тооцогдож байгаа эрүүл мэндийн ажилтнуудыг хамгаалах нь чухал болохыг сануулсаар байна.
Оросын ковид19 тархалтын тухай яагаад огт ярихгүй хамар доорхи буриадад 35 болчихсон оросдоо дээгүүр цохиж явна шүү энд тэр Ах дүү хамаагүй шүү сэрэмжлэх шаардлагатай.