БНХАУ-д Ковид19-сийн халдвар гаднаас орж ирэх тохиолдол нэмэгдэж байгаа тул гадаадын иргэдэд хилээ хаана

БНХАУ-д Ковид19-сийн халдвар гаднаас орж ирэх тохиолдол нэмэгдэж байгаа тул тус улс бямба гарагаас эхлэн хилээ хааж, гадаадаас ирэх ихэнх иргэдийг нэвтрүүлэхгүй гэж мэдэгдлээ.

Хятадын визтэй эсвэл түр оршин суух зөвшөөрөлтэй гадаад иргэдийг тодорхой хугацаагаар нэвтрүүлэхгүй гэж тус улсын гадаад хэргийн яамны мэдэгдэлд дурьджээ. Мөн Хятад улсаар дамжин өнгөрөх, визгүй зорчих хөдөлгөөнийг зогсоох боловч дипломат пасспорттой хүмүүст нөлөөлөхгүй юм байна.

Хятадын иргэний нисэхийн удирдах газраас гаргаж буй шинэ дүрмээр гадаад улсын нэг хотоос долоо хоногт нэг нислэг хийхийг зөвшөөрөх ба нислэгийн суудал 75 хувийн дүүргэлттэй байх гэнэ.

Өнөөдрийн байдлаар Хятад улсад нийт 81’285 тохиолдол илэрч 74’051 хүн эдгэн, 3287 хүн нас барснаар 3947 хүн халдвартай хэвээр байна.

Хятад улс руу ирж байгаа зорчигчдын 90 хувь нь Хятад иргэд байгаагийн 40 орчим хувь нь оюутнууд байгаа аж.

SCMP 

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн