Дэлхийд

АНУ-ын конгрессийн гишүүн коронавирусийн халдвар авчээ

АНУ-ын Флорида мужийг конгрессийн доод танхимд төлөөлдөг хууль тогтоогч Диаз-Баларт шинэ коронавирусийн халдвар авсныг өчигдөр мэдээлжээ.

“Бямба гарагийн орой конгрессийн гишүүнээс халуурах, толгой өвдөх шинж тэмдэгүүд ажиглагдаж эхэлсэн бөгөөд шинжилгээгээр Covid-19 вирусийн халдвар авсан нь тодорхой боллоо” гэж түүний ажлын албанаас мэдээлсэн байна.

Диаз-Баларт өөрийн биеийн байдлыг сайжирч байгаа тухай мэдэгдээд Америкчуудад хандаж халдвараас сэргийлэхэд “онцгой анхаарал” тавихыг уриалжээ.

Өнөөдрийн байдлаар АНУ-ын конгрессийн 14 гишүүн өөрийгөө халдвар авсан байж болзошгүй гэж сэжиглээд тусгаарлагдах арга хэмжээ аваад байгаа аж.  Диаз-Баларттай ойр ажиллаж байсан конгрессийн гишүүд мөн нэмж тусгаарлагдаж магадгүй.

Сүүлийн байдлаар АНУ-д 8,500 гаруй хүн шинэ коронавирусийн халдвар аваад байгаа бөгөөд өдрөөс өдөрт тоо нь эрчимтэй нэмэгдэж байна.

Эх сурвалж: CNN

ХОЛБООТОЙ МЭДЭЭ

Back to top button
Close