Эрүүл мэндийн яамны Гадаад харилцаа, хамтын ажиллагааны хэлтсийн дарга Б.Янжмаа “Дэлхийн улс орнуудад халдварын нөхцөл байдалтай холбогдуулан шинээр хязгаарлалт авах, өмнөх хязгаарлалтынхаа хүрээг тэлэх шийдвэрүүд гаргасаар байна.
АНУ-д 24 муж улсад онц байдал зарласан байна. Баасан гаргаас эхлээд АНУ-аас европыг зорих хөдөлгөөнийг зогсоох шийдвэрийг гаргасан байна. Ихбаритань, Бараа тээвэр, ачаа тээвэрт үйлчлэхгүй, бусад зорчих хөдөлгөөнийг хязгаарлав
Европ тивд халдвар өргөн хүрээтэй тархаж байгаатай холбогдуулан Германы агаарын тээврийн томоохон компани энэ сарын 29-нөөс эхлэн дөрөвдүгээр сарын 24-нийг дуустал зарим нислэгээ цуцалж байгаагаа мэдэгдлээ.
БНХАУ-д халдварын тохиолдлыг тууштай бууруулж байгаа хэдий ч гадаад улсаас халдвартай хүн ирэх тохиолдол гарч байгаа тул Бээжинд ирж байгаа иргэдийг гэрт нь эсвэл тусгайлан бэлдсэн зочид буудалд 14 хоног тусгаарлах шийдвэр гаргасан байна. Богино хугацаагаар ирсэн гадаадын зочдыг мөн түр тусгаарлаад шинжилгээ өгч халдваргүй нь баталгаажсаны дараа гадуур явах зөвшөөрөл өгөхөөр болжээ.
Зарим улс мөн виз олгохгүй байх, өмнө нь олгосон визээ цуцлах гэх мэт арга хэмжээг аваад эхэлсэн байна” гэв.