Улс төр

Үндэсний Шилдэг бүтээлийн эзэд шагналаа гардав

Монгол Улсын Ерөнхий сайдын ивээл дор Үндэсний өв соёл, түүх уламжлалыг илэрхийлсэн шилдэг бүтээлийн уралдааныг Сар шинийн баярын өдрүүдийг тохиолдуулан зарласан билээ.

Уралдааны дүн гарч, шилдгээр шалгарсан уран бүтээлчид, телевиз, радиогийн хамт олны шагналыг өнөөдөр Монгол Улсын Ерөнхий сайд У.Хүрэлсүх гардуулав.

Үндэсний шилдэг хөтөлбөртэй телевизээр “UBS” телевиз шалгарч өргөмжлөл, цом, 100 сая төгрөгийн мөнгөн шагнал хүртлээ.

Шилдэг хөтөлбөртэй радиогоор “Дэлхийн Монголчууд MGL RADIO 88,3” шалгарч, 20 сая төгрөг, өргөмжлөл цом гардлаа.

Хүүхдэд зориулсан шилдэг бүтээлийн эздээр “Маамуу” хүүхэлдэйн киногоороо “Монгол Контент” ХХК, “Найзууд” нэвтрүүлгээрээ “Хэмнэл радио 91,7”-ийн уран бүтээлчид тодорлоо.

“Монгол төрийн мэргэн өвөө” нэвтрүүлгээр “Жи интертайнмент” нэгдэл, “Өнөө өглөө” шууд нэвтрүүлгээр “Монгол HD” телевиз тус тус шилдэг бүтээлийн эзэд болов.

Цаашид бүх нийтийг соён гэгээрүүлэх, хүүхэд залуучуудын үндэсний өв соёлын дархлааг тогтооход чухал үүрэгтэй телевиз радиогийн бүтээл туурвигчдын дунд шагналын өндөр сантай энэхүү уралдааныг уламжлал болгон явуулахаар төлөвлөж буйгаа Монгол Улсын Ерөнхий сайд шагнал гардуулах үеэр мэдэгдлээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

5c32b855c11b4e5963b9de6d7636df5f Үндэсний Шилдэг бүтээлийн эзэд шагналаа гардав

5dbc65846f466bc3d60b52767012814b Үндэсний Шилдэг бүтээлийн эзэд шагналаа гардав

8209cbe718218a513993b1999b7b0bd9 Үндэсний Шилдэг бүтээлийн эзэд шагналаа гардав

a0ed4e107b71ecc17bf5676947c133da Үндэсний Шилдэг бүтээлийн эзэд шагналаа гардав

d3e5ba03b31580c1fed0f4fd5950bf5c Үндэсний Шилдэг бүтээлийн эзэд шагналаа гардав

ХОЛБООТОЙ МЭДЭЭ

Back to top button
Close